Për shkak të përkeqësimit të kushteve të motit, ditën e sotme, Kapiteneria e Vlorës ka njoftuar pezullimin e lundrimit për mjetet e vogla lundruese.
Sipas parashikimit të motit, në gjirin e Vlorës era do të jetë në drejtimin Jug-Juglindje me forcë 5-6bft, 10-15m/s.
Në orët e mesditës pritet një përmirësim i kushteve atmosferike, por përsëri do të përkeqësohen kushtet e detit dhe erës.
Kapiteneria njofton se janë pezulluar të gjitha mjetet e vogla lundruese dhe ato të peshkimit, me përjashtim të transportit ndërkombëtar detar.
Pritet që përmirësimi i kushteve hidrometeorologjike do të jetë ditën e premte më 5 nëntor.
