Policia arrestoi një 52-vjeçar, i cili dyshohet se kërcënoi me vrasje fqinjin e tij, pas një konflikti që kishin për motive të dobta.
Policia njoftoi se kishte sekuestruar në banesën e 52-vjeçarit edhe një armë kallashnikov, të cilën e mbante pa leje, dhe që dyshohet se është përdoriir në kërcënimin me jetë të fqinjit.
Shërbimet e Komisariatit të Policisë Gramsh, kanë marrë njoftim se në fshatin Shëmrizë të Njësisë Administrative Pishaj, kishte një konflikt për motive të dobta mes shtetasve G.H dhe H.A, (komshi me njëri tjetrin) dhe se shtetasi G.H po e kërcënonte se do ta vriste me armë zjarri shtetasin H.A.
Menjëherë shërbimet e Policisë kanë shkuar në vendngjarje dhe kanë vënë në pranga shtetasin G.H., 52 vjeç . Gjatë kontrollit në banesë, shërbimet e Policisë gjetë dhe sekuestruan në cilësinë e provës materiale një armë zjarri kallashnikov.
Matrialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.
