Vllaznia ka mbyllur dje përgatitjet për takimin me Tiranën me një seancë ndryshe nga të tjerat, ku doli që Abdurrahman Fangaj mund të jetë titullar duke zëvendësuar Gurishtën.
Shkodranët e kanë vlerësuar klasiken me bardheblutë si një ndeshje ndërkombëtare, ku seancën e fundit e kryejnë në fushën e stadiumit ku luhet ndeshja zyrtare një ditë më pas.
Ndaj, seancën e fundit stafi teknik kishte zgjedhur që ta zhvillonte në fushën e stadiumit “Loro Boriçi”.
Stafi teknik nuk do ta ketë të plotë grupin për këtë takim, pasi 4 mungesa janë të konfirmuara. Kapiteni Gurishta është i pezulluar për këtë sfidë, pasi ka plotësuar numrin katër të kartonëve të verdhë.
Edhe mesfushori Mustedanagiç mungon, pasi doli me karton të kuq ndaj Kukësit.
Nga ajo që u pa në seancën e djeshme, braziliani Kaina është i pamundur sërish, pasi vijon fazën rikuperuese së bashku me mbrojtësin Bulatoviç, i cili ende nuk ka debutuar në Superiore.
Në kampin shkodran vërehet entuziazëm në prag të ndeshjes me kryesuesit e kampionatit dhe të gjithë kanë besim se mund t’ia dalin ta mundin atë.
Fangaj shikohet si zëvendësuesi i Gurishtës, ndërsa pritet edhe rikthimi i Krymit si titullar, pasi e ka kaluar gjendjen gripale.
Pas festës për dy ditëlindje, të Beshirajt dhe Totres, Tirana u ka dhënë dorën e fundit përgatitjeve për sfidën me Vllazninë. Shehi punoi shumë për taktikën, ndërsa nuk luan është Najdovski.
Në vendin e tij Xhixha. Për sa i përket formacionit, Tirana duhet të vendosë se me kë do të luajë. Në mungesë të Najdovskit, ekipi rreshtohet me Bekajn në portë.
Mbrojtja do të jetë e përbërë me katër, ku Toshevski, Behiratçe, Hoxhallari dhe Ismajlgeci rreshtohen në vijë të drejtë.
Në mesfushë, Totre, Limaj dhe Toli, ndërsa në sulm kthehet treshja Seferi, Ngo e Xhixha.
Kujdes duhet të ketë Ngoja, i cili ka tre kartonë dhe nëse merr një tjetër të verdhë, rrezikon sfidën me Dinamon në kampionat. Bardheblutë janë deri tani ekipi i pamposhtur i Superiores.
/PANORAMASPORT.AL/
