Rrëfimet e disa prej banorëve të shtëpisë së BBV lidhur me shëndetin mendor janë diskutuar në “Ftesë në 5”.
Psikologia Aleksandra Puçi ka folur për faktin që disa komentues i kanë konsideruar të ekzagjeruara reagimet e disa prej VIP-ave, madje sipas tyre edhe momenti kur Semi kalon në të qara pas një krize paniku bëhet për “viktimizim”.
“Ka tendencë që një pjesë e personave të cilët përjetojnë shqetësime emocionale priren të viktimizohen për të marrë vëmendje. Por duhet të kemi të qartë që nuk e bëjnë këtë vetëm për të manipuluar që të ndihen më mirë, por sepse viktimizimi është shenjë që realisht s’ndihen mirë. Brenda tyre janë pasiguritë, frikërat që i shtyjnë drejt këtyre reagimeve. Nuk e bëjnë thjesht sepse duan dhe argëtohen, por sepse vërtetë nuk kanë një ekulibër të mirë emocional”– tha ndër të tjera ajo.
