Atletico Madrid nuk di të fitojë. Pas barazimit me kryesuesit e Sociedad, “los colchoneros” kishin mundësi të afroheshin me kreun në transfertën me Levanten por u ndalën nga Enis Bardhi.
Lojtari shqiptar ishte perfekt në këtë mbrëmje dhe me dy gola me penallti i hoqi mundësinë e fitores Atleticos që dy herë kishte arritur të kalonte në avantazh.
Fillimisht Griezmann kaloi miqtë përpara në 12’ dhe në 37’ ishte pikërisht lojtari shqiptar që ekzekutoi një penallti për të barazuar rezultatin.
Në pjesën e dytë sërish, skuadra e Simeones gjeti golin me vështirësi në 76’ dhe kur ndeshja ishte drejt fundit, një tjetër penallti e akorduar u gjuajt në mënyrë të saktë nga Enis Bardhi.
Me këtë barazim, kampionët në fuqi të Spanjës mbeten në vendin e 7 me vetëm 19 pikë, 5 më pak se Sociedad.
