Gjatë seancës plenare të ditës së sotme, pati debate mes Edi Ramës dhe Lulzim Bashës, të cilat u panë në disa raste edhe si të sforcuara,
Analisti Armand Shkullaku, i ftuar në emisionin “Të Paekspozuarit” në MCN TV, e ka quajtur “një skenar të përsëritur” ngjarjen e sotme. Ai tha se Basha është nën presionin e “Foltoreve” të Berishës dhe gjuha e tij në parlament, është reflektim i këtij presioni.
“Është e përsëritur si dekor dhe skenar. Kishte dy risi seanca e sotme. Mendoj se pozicioni Bashës vjen për shkak të presionit që ka nga Foltorja e Berishës.
Sa më shumë shtohet presioni, Basha kërkon të bëhet më radikal, apo më i ashpër në Kuvend.
Risia e parë ishte që zoti Basha goditi Ilir Metën dhe LSI-në.
Risia e dytë është që shtoi listën e emrave të biznesmenëve, që përfitojnë fonde publike.
Pavarësisht se gjuha që ndoqëm në parlament është refleks i asaj që po ndodh në PD, ka një lloj impakti, por njerëzit nga PD, po kërkojnë përgjigje për disa çështje afatshkurtra.
Nëse ka cilësuar organet e vettingut të kontrolluara nga Rama dhe familjarët, a do ta votojë zgjatjen e vettingut?
Ne na intereson më tepër të dimë qëndrimet e PD, në ato cështje ku ka një veto dhe fuqi. Retorika është e mirë, por në fund të fundit kemi përvojë jo shumë të këndshne, që opozita i nis betejat dhe i lë në mes.
Veprimtaria e opozitës, nuk duhet të kondicionohet, nga sherret që ka brenda saj”, tha ndër të tjera Shkullaku.
