Ish-Kryeministri Sali Berisha ka publikuar në rrjetet sociale pamje nga pritja entuziaste që iu rezervua pasditen e djeshme në Kavajë, ku zhvilloi Foltoren e rradhës.
Berisha e konsideron si magjike këtë pritje, ndërsa disa qindra anëtarë dhe mbështetës të PD, iu bashkuan liderit historik, që nga hyrja në Kavajë, për të vijuar më pas me takimin në Pallatin e Kulturës.
Nga Kavaja, ku nën thirrjet “Basha ik”, “Rama ik” të anëtarëve dhe simpatizantëve demokratë, Berisha pohoi se do të ishte një nga kandidatët për postin e kreut të PD, pas ndryshimeve statutore që do të miratohen nga Kuvendi Kombëtar, sikundër u shpreh ai.
Gjithashtu Berisha njoftoi po nga Kavaja se Gjykata e Parisit i ka pranuar padinë ndaj Sekretarit amerikan të Shtetit, ndërsa e ftoi Antony Blinken dhe ambasadoren Yuri Kim, që të gjitha provat që kanë për të, ti paraqesin në Gjykatë.
