VIDEO/ Debate në komisionin hetimor të zgjedhjeve, socialistët e braktisin, Alibeaj kërkon largimin nga Garda të Lefterie Luzit

Sikurse bënë në seancën e kaluar, edhe këtë herë deputetët socialistë u larguan nga salla gjatë mbledhjes së Komisionit Hetimor për zgjedhjet e 25 prillit.

Debatet në lidhje me miratimin e rregullores u bënë sërish shkak i largimit të mazhorancës. Deputetët demokratë vijuan mbledhjen, ndërsa kolegët e tyre socialistë u rikthyen në sallë vetëm për disa minuta, për t’u larguar përfundimisht menjëherë më pas.

Pas largimit të socialistëve, kryetari i komisionit, Enkelejd Alibeaj, debatoi me ish-kryetaren e KQZ, Lefterie Luzi, e cila është aktualisht drejtoreshë e shërbimit në Kuvend. Ajo kërkoi mbylljen e mbledhjes për shkak të mungesës së kuorumit dhe ndërprerjen e sinjalit, por kjo kërkesë u refuzua nga Alibeaj, i cili urdhëroi punonjësit e Gardës që të nxirrnin jashtë Lefterie Luzin.

Kam një vërejtje ndaj administratës mbledhja ka filluar është çelur me kuorum, ju keni detyrat tuaja për të vazhduar transmetimin e mbledhjes kur kryetari i komisionit të deklarojë fundin e saj. Nëse do merrni urdhra të paligshme për të ndërprerë sinjalin do ushtron të drejtat e mia për gjithkënd nga ju deri në kallëzim penal. Mos u bëni pengesë për vazhdimin. Lush je ti  që vjen këtu e na thua. Zonjën garda nxirreni jashtë, nuk është deputete dhe ka marrë vërejtje nga kryetari. Garda zbatoni urdhrat e kryetarit”, u shpreh Alibeaj.

LEXO EDHE  Vokshi: Dhuna në familje po kap shifrat e një pandemie, qeveria ka dështuar të mbrojë gratë e fëmijët

Pasi largimit të drejtueses së Kuvendit nga salla, është ndërprerë transmetimi i komisionit në faqen e Kuvendit.

Megjithatë, mbledhja vijoi vetëm me deputetët e opozitës. Mbledhja u transmetua live në faqen zyrtare të PD në FB.

Edhe këtë të Mërkurë, ndonëse mbledhja filloi me diskutime me tone të qeta, sërish nuk u gjet dakordësi lidhur me zbatimin e rregullores mes deputetëve socialistë e atyre demokratë.

Pamjet në 1 orë e 45 minuta