Prej disa ditësh, kudo në rrjete sociale qarkullonin aludime nga disa përdorues, të cilët shkruanin se pak orë pas spektaklit të të premtes, dy kanalet e “Big Brother” në Digitalb fokusuan vetëm pjesën e jashtme të shtëpisë, fill sapo diçka kishte ndodhur me Fifin.
Mbrëmjen e djeshme, moderatorja Arbana Osmani sqaroi se pak spektaklit Fifi kishte pësuar një shok emocional dhe gjendja e saj ishte përkeqësuar. Asaj i ka rënë të fikët dhe mjekët kanë hyrë në shtëpi për të kontrolluar gjendjen e saj, më pas mjekët kanë thënë se Fifi është në gjendje të vazhdojë konkurrimin e saj në këtë “reality-show”.
Shkaku i gjendjes së Fifit ishte deklarata e Granitit, sipas të cilës ai e shihte atë vetëm si motër.
Arbana tha se përpara hyrjes në “Big Brother VIP”, Fifi kishte folur për problemet e saj me shëndetin mendor dhe kishte kërkuar që të mos fliste për to. Arbana shtoi se për të respektuar vendimin e Fifit, produksioni vendosi që të mos transmetonte pamjet kur Fifi nuk ishte mirë.
View this post on Instagram
