Love Story po rikthehet me një sezon të ri. Emisioni i dashurisë do të fillojë me 15 nëntor dhe këtë sapo e zbuloi moderatorja Alketa Vejsiu.
Ilda Lumani zbuloi pak kohë më parë disa detaje nga sezoni i dytë i “Love Story”.
“Kësaj here do jenë një djalë dhe një vajzë protagonist. Kjo ka tërhequr vëmendje, sepse të jetë një vajzë, e cila zgjedh partnerin në ekran është një lloj sfide. Janë 10 vajza, të cilat do vijnë për të bërë për vete 1 djalë dhe 10 djem, të cilët do të bëjnë për vete 1 vajzë.
Këtë vit gjithashtu do jemi çdo ditë në TVKlan me një program të dedikuar, ku do kenë mundësi që të njihen edhe më shumë kandidatët, do drejtohet nga Enis Shehu, ndërsa spektakli do të jetë ditën e Hënë drejtuar nga Alketa Vejsiu, e sigurisht me regji Vera Grabockën.
Ajo çka më pëlqen është fakti se të gjithë personazhet janë të shkolluar dhe të edukuar.
Jam e bindur se do jenë një model i mirë për shoqërinë”,– tregoi Lumani.
