VIDEO/ “Rama ik”, “Basha ik”, ja si nisi foltorja e Kavajës. Berisha: Dritë shprese për shqiptarët

“Rama ik”, “Basha ik”, me këto thirrje ish-Kryeministri Sali Berisha u prit nga disa qindra anëtarë dhe simpatizantë të Partisë Demokratike në takimin e rradhës që zhvilloi në qytetin e Kavajës.

Berisha tha se “Foltorja” po pushton mendjet dhe zemrat e shqiptarëve si një dritë shprese, për të nxjerrë Shqipërinë nga këneta që e ka futur regjimi i Edi Ramës.

Ish-Kryeministri akuzoi Ramën se ka shkelmuar dinjitetin e shqiptarëve, i ka varfëruar, ndërsa Shqipëria u kthye në simbolin e të zezave në Europë dhe Botë.

“Sot ju merrni për shkak të bllokimit të rrogave, të rritjes së çmimeve 30 % më pak se në vitin 2013, sot mjerimi është rritur me 4 herë, korrupsioni dhe vjedhja janë rritur dhe sot Shqipëria renditet në vendin e dytë në Botë”, tha Berisha.

LEXO EDHE  Dënimi i “Boldnews.al” për Mirel Mërtirin, Vokshi: Vendimi tregon se mafia e plehrave ka pas pushtetin

Ish-Kryeministri tha se kancelari i ri i Austrisë porositi makinën 500 mijë euro, ndërsa Edi Rama shfaqet në mandatin e 3-të, që e bragiti, me makinën 520 mijë euro.

Berisha tha se kriza energjitike u krijua nga Edi Rama dhe Belinda Balluku, që shitën energjinë me 50 euro për KWH, ndërkohë që çmimi ishte 130 euro.

” E zbrazën kaskadën për 1 muaj, ndërkohë që duhen të paktën 3 muaj. Shitën energjinë ditë e natë te klientët e tyre dhe sot po e blenë me 250 euro kwh”, tha Berisha.