Në arrest shtëpie, por del me makinë me kok*inë me vete

Një 59-vjeçar u arrestua nga policia e Beratit pasi kishte thyer masën e sigurisë “arrest shtëpie” dhe shpërndante lëndë narkotike kokainë, konfirmuan këtë të Martë burime zyrtare.

“Specialistët për Hetimin e Narkotikëve dhe Trafiqeve të Paligjshme, në bashkëpunim me Forcën Operacionale në DVP Berat, në bazë të informacioneve të siguruara në rrugë operative se një shtetas duke qenë me masë sigurie shpërndante lëndë narkotike, kanë organizuar punën, ku si rezultat u bë kapja dhe arrestimi në flagrancë i A.Z, 59 vjeç, banues në lagjen ‘Çlirim’, Berat. Arrestimi i tij u bë pasi, duke qenë me masë sigurie ‘Arrest shtëpie’, u kap duke qarkulluar me mjet, ku gjatë kontrollit fizik dhe në automjet i janë gjetur dhe sekuestruar në cilësinë e provës materiale doza me lëndë narkotike kokainë”, njoftoi policia.

LEXO EDHE  Kapet me rreth 1 kg drogë në kufi, arrestohet shqiptari

Materialet i kaluan Prokurorisë së Rrethit Gjyqësor Berat, për veprime të mëtejshme, shtuan të njëjtat burime.