Tre javë më parë në zonën e Vermoshit, një avion i vogël, ngeli i bllokuar, ndërsa nga raportimet e para, u tha se në vendin e ngjarjes ishte afruar njv automjet tip fouristrada, që kishte evakuar dy ose tre persona, që ndodheshin në bord.
Ngjarja mbeti mister, kjo edhe për faktin se nga dëshmitë e mbledhura, u pohua se personat që ndodheshin në avion, i kishin kërkuar disa banorëve të zonës që të mos afroheshin.
Nga raportimet mësohet se në avion janë gjetur gjurmë gishtash, që provojnë se në bord ndodheshin dy persona, shqiptarë, që po mbahen nën vëzhgim nga policia.
Hetuesit dyshojnë se përmes avionit po transportohej sasi e madhe droge, që solli dhe rënien e tij.
Identiteti i tyre nuk bëhet i ditur për shkak të sekretit hetimor, por nga ekspertiza dhe përgjigjja e ADN-së nga shenjat e gishtërinjve në avion, Report Tv mëson se bëhet fjalë për 2 shqiptarë.
Hetuesit po punojnë edhe për identifikimin e personave që i ndihmuan të largohen pas rrëzimit të avionit në Vermosh me një makinë fuoristradë të bardhë.
Dyshohet se avioni përdorej për transport droge dhe rënia ka qenë nga mbipesha. Një tjetër pistë në të cilën po hetohet është edhe ajo e lëndës narkotike që u kap në Mal të Zi pak ditë pas rrëzimit të avionit, por burime nga grupi hetimor thonë se akoma nuk janë gjetur prova të lidhin dy rastet me njëra-tjetrën.
Avioni i dyshimtë, pa asnjë shenjë identifikimi u rrëzua në Vermosh në orët e mëngjesit të 4 tetorit, 200 metra pa kaluar kufirin drejt Malit të Zi.
