Ish Kryeministri Sali Berisha ka postuar në faqen e tij në rrjetin social një foto nga takimi i zhvilluar dy ditë më parë në Berat me anëtarët e PD.
“Miremengjes miq, ju pershendes me kete foto nga Foltorja magjepese e Beratit”, shkruan Berisha, i cili duket entuziast nga takimet e zhvilluara deri më tani me demokratët, të cilëve u ka kërkuar të firmosin thirrjen për mbledhjen e Kuvendit Kombëtar të PD.
Ditën e martë, Berisha pritet të takohet me anëtarët e PD në Kavajë, qytetin, ku ai ka kandiduar për herë të parë si deputet në 1991 dhe më pas në pothuajse çdo zgjedhje parlamentare.
