Laçi është zgjuar mëngjesin e sotëm i mbuluar nga tymi. Sipas raportimeve mediatike, gjate orëve të natës u është vënë flaka mbeturinave në kodrat e qytetit.
Për pasojë retë e tymit janë shpërndarë në qytet, madje dhe në disa fshatra të zonës së malësisë së Kurbinit. Për të normalizuar situatën, në vendgrumbullimin e plehrave kanë mbërritur fadroma dhe zjarrfikësit e Laçit.
Një ditë më parë, kryeministri Edi Rama mblodhi kryebashkiakët për menaxhimin e mbetjeve, duke lëshuar kritika për disa prej tyre.
