Kryetari i Partisë Demokratike Lulzim Basha iu përgjigj kritikave të ish-kryeministrit Sali Berisha lidhur me nismën e PD për vetingun e politikanëve.
Berisham nga “Foltorja e Beratit” u shpreh: “Se si mundet një forcë politike që e quan veten demokratike, të propozojë që të vendosë SPAK-u për mandatet e deputetëve, që është i Ramës, do të thotë që je skllav i tij”.
Këtë të Shtunë, gjatë një konference për gazetarët, Basha u shpreh: “Nisma jonë nuk është e javës së kaluar, është e vitit 2018. Në atë vit i gjithë grupi parlamentar i PD dhe opozita e bashkuar kërkoi vetingun e politikanëve. Depozitoi dhe me firmën e Berishës në Kuvend amendamentet kushtetuese, kërkesën për vetingun e politikanëve, ky është fakti. Pas kësaj, Rama për të vonuar procesin kërkoi dërgimin në Komisionin e Venecias. Ne pranuam. Venecia solli një përgjgiie. Ne kemi reflektuar të gjitha kërkesat e Venecias. Unë i qëndroj firmës sime të 2018-ës. Nëse diksh tjetër i qëndron apo ka qëndruar mendim, kjo është cështje tjetër”, tha Basha.
“Kjo nuk është ekspeditë ndëshkimore ndaj Ramës e ministrave të tij, kjo s’bëhet për intersat tona politike, por duhet të marë fund rotaxhilja e të bërtiturit në emër të Reformës në Drejtësi, kur atë që kërkon për gjyqtarët e prokurorët ke frikë ta bësh për veten tënde. Vetingu për politikanët do jetë publik”, shtoi ai.
