Biznesmeni i ekzekutuar në Fier, në 1997 iu v*a vëllai/ Detajet

Demir Backa, 57-vjeçari i ekzekutuar mbrëmjen e sotme në Fier, është vëllai i Medi Backës, i cili mbeti i vrarë në vitin 1997.

Mediat në atë kohë raportonin se Backa, bashkë me 16 persona të tjerë, kishin vjedhur bankën në Sarandë, si pjesë e një grupi kriminal të krijuar në atë kohë në Fier.

Gjatë kthimit nga Saranda në Fier, Medi Backa, i njohur ndryshe si Buc Backa, mbeti i vrarë, bashkë me personat e tjerë. Ngjarja në atë kohë u raportua si masakra e Levanit, ku mbetën të vrarë plot 24 persona.

LEXO EDHE  Ndërron jetë sapo doli nga spitali 46-vjeçarja në Pogradec

Ndërkohë, Demir Backa, i ekzekutuar mbrëmjen e së shtunës, njihej si një nga biznesmenët e Fierit, ndërsa kishte nv pronësi një hotel në Sarandë dhe një lokal në Fier.

Ndaj tij u qëllua me breshëri kallashnikovi nga një automjet tip Benz, i cili më pas u gjet i djegur nga policia.

Viktima ndodhej në një automjet tip Audi dhe mbi të janë qëlluar të paktën 15 plumba kallashnikovi. Viktima humbi jetën në spitalin rajonal të Fierit, ku mbërriti në gjendje të rëndë shëndetësore.