Në universitetet publike të vendit janë 56 programe studimi të cilat rrezikojnë të mbyllen pasi kanë të regjistruar më pak se 4 studentë. Sipas kreut të rrjetiti akademik shqiptar, Arjan Xhelaj problematikat me të mëdha i kanë universitetet e rretheve.
Këtij fenomeni nuk i ka shpëtuar as universiteti i Tiranës, sidomos fakulteti i gjuhëve të huaja, ku veç gjuhës angleze dhe asaj gjermane, të tjerat preferohen shumë pak nga maturantët. Regjistrime të ulta ka dhe Fizika me vetëm 14 studentë.
Në rrethe vihet re një rënie e interesit për degët e mësuesisë në ciklin fillor dhe atë parashkollor, dhe sidomos për programet histori, gjeografi dhe filozofi.
