Gjykata e Posaçme vendos konfiskimin e 3.4 milionë eurove të gjetura në “Toyota”

Gjykata e Posaçme vendosi konfiskimin e 3.4 milion euro që u gjetën në makinat “Toyota Yaris” në Portin e Durrësit.

Vetëm dy ditë më parë, Gjykata e Tiranës ka dënuar me 1 vit e 6 muaj burg Ervis Vladi, i cili ishte pjesë e çështjes. Vladi u dënua për veprën penale “mosdeklarim të ardhurash në kufi”. Duke përfituar nga gjykimi i shkurtuar, dënimi i tij ulet në 1 vit burg. Në të njëjtën dosje është dënuar me 2 vite e 4 muaj burg edhe Agim Ceka për “armëmbajtje pa leje”.

LEXO EDHE  Kapen me 6.5 kg kokai*ë në makinë, arrestohen dy vëllezërit shqiptarë

Mbrëmjen e 24 qershorit 2018, policia shqiptare sekuestroi rreth 3,4 milionë euro të fshehur në dy makina tip “Toyota Yaris” në portin e Durrësit. Makinat u gjetën në një karoatrec në tragetin që vinte nga Bari në Durrës. Së bashku me dy makinat me para, në trailerin që i përkiste një kompanie shqiptare transporti, kishte dhe 8 makina të tjera. Itinerari i makinave ka qenë Belgjikë-Gjermani-Itali-Shqipëri.

Pati edhe akuza për përfshirjen e politikanëve në këtë çështje.