Ish-kreu i qeverisë Sali Berisha e ka cilësuar krizën energjitike si një krizë korrupsioni e qeverisë së Edi Ramës.
Duke folur nga ‘Foltorja’ e Beratit Berisha tha se KESH u shiste energjinë miqve të Ramës me 40 euro, në një kohë që në bursë shitej me 130 euro, ndërsa sot po fut duart në xhepat e shqiptarëve.
Ndërsa shtoi se e njëjta gjë po ndodh edhe me çmimet.
‘Sot Rama u bie borive të krizës energjitike, krizë e krijuar me dorën e tij. Të babëziturit thanë kaskadën e Drinit. Shitën energji me 40 euro, të njëjtën energji OSSH e blinte me 130 euro nga ‘brokeri’ i qeverisë që ndante paratë me ministrat. Në një kohë kur energjia në bursë shitej me 130 euro, ua shite miqëve të Ramës me 40 euro. E njëjta gjë me çmimet, janë rritur të gjitha cmcimet e ushqimeve bazë. Çdo qeveri e përgjegjëshme në këtë rast do të indeksonte plotësisht rritjen e çmimit, nuk ka shtuar asnjë qindarkë në rrogat dhe pensionet tuaja’, tha Berisha.
