Regjimi i talibanëve në Afganistan po tregon çdo ditë e më shumë se çfarë shkatërrimi po sjell në këtë vend.
Një ngjarje e fundit e publikuar dhe e konfirmuar ka shokuar botën e sportit e jo vetëm pasi u mësua se talibanët kanë prerë kokën e një volejbollisteje të kombëtares dhe nuk janë mjaftuar me kaq por dhe e kanë postuar atë në rrjetet sociale.
Bëhet fjalë për Mahjabin Hakimi, sportisten e re e cila ka luajtur edhe me të rinjtë e kombëtares afgane por që tragjikisht u masakrua nga talibanët dhe zbulimi vjen nga trajneria Suraya Afzali.
Edhe emri i kësaj të fundit është modifikuar nga frika se mund ta pësojë edhe ajo sepse Hakimi është volejbollistja e dytë që ekzekutohet pas një vajze tjetër sportiste në muajin gusht e cila u vra me armë nga talibanët.
Të gjithë këto krime makabër po zbulohen me vonesë sepse të gjithë kanë frikë të zbulojnë krimet e talibanëve.
Madje edhe familja e Mahjabin Afzali e mohon ekzekutimin e vajzës së tyre nga talibanët nga frika e ndonjë represioni ndaj tyre. Ata shprehen se vajza ka vdekur në rrethana misterioze një muaj përpara se Kabuli të binte në duart e talibanëve.
