Pellat Bonaj, 57 vjeç, u arrestua nga Policia e Vlorës në kushtet e flagrancës, pasi dyshohet se ka dhunuar kryetarin e Bashkisë Selenicë, Pëllumb Binajn.
Nga raportimet mësohet se Bonaj ka qëlluar kryetarin e Bashkisë pas debateve për një linjë furgonash.
Debati ka ndodhur për linjën e furgonave Vlorë-Sevaster.
Kryebashkiaku Binaj dhe shtetasi Bonaj raportohet se janë takuar në Vlorë pasi bashkia e Selenicës i ka dhënë të drejtën e ushtrimit të aktivitetit një subjekti tjetër, jo subjektit që ishte në administrim nga Pellat Bonaj.
Teksa sqaroheshin me njëri-tjetrin për tu sqaruar, Bonaj ka kërkuar llogari për dhënjen e lejes.
Debati ka precipituar dhe sipas raportimeve Bonaj ka goditur Binajn.
Njoftimi i Policisë:
Vlorë/ Arrestohet në flagrancë një 57-vjeçar, për veprën penale “Goditjet për shkak të detyrës”
Në pranga dhe 1 shtetas në kërkim për veprën penale “Vjedhja”.
Specialistët për Hetmin e Krimeve në Stacionin e Policisë Selenicë arrestuan në flagrancë shtetasin P. B., 57 vjeç, banues në lagjen “Lirim”, Vlorë, pasi mbrëmjen e djeshme, dyshohet se ka goditur për shkak të detyrës shtetasin P. B., 66 vjeç, me detyrë Kryetar në Bashkinë Selenicë.
Materialet i kaluan prokurorise per veprime te metejshme.
