Nënkryetari i PD, deputeti Enkelejd Alibeaj, u shpreh sot se zhbërja e ndryshimeve të njëanshme Kushtetuese të 30 korrikut, është një akt që rivendos respektimin e Kushtetutës.
Alibeaj tha në studion e Abc, se Kushtetuta e këtij vendi duhet të jetë dokument që të mos bëhet zhele që ta shkelësh në të dy këmbët.
“E rëndësishme është territorialja. Më shërbimet që ka të bëjë qytetari me institucionet. Me artikulimin juridiko kushtetues të kemi bërë nevojën urgjente të shoqërisë dhe demokracisë”, tha Alibeaj.
Ndërsa u pyet lidhur me grupin e punës që ka hartuar draftet e propozuara, Alibeaj tha se në Grupin Parlamentar dhe në administratën e PD ka juristë që e njohin lëndën Kushtetuese.
Lidhur me propozimin e PS për zgjatjen e afateve të organeve të Vetting, Alibeaj tha se Komisioni i Venecias në opinionin e tij ka thënë se procesi i Vettingut duhet të jetë i shkurtër.
“Vetë Kushtetuta e ka një zgjidhje. Nga KPK, i kalon KLGJ dhe KLP. Këta kërkojnë zgjatjen e afatit të anëtarëve të KPK, ata duan zgjatjen e afatit të qëndrimit në detyrë të motrës së Ballukut, apo kunatit të Mimi Kodhelit, pak rëndësi ka. Nuk është interes i shqiptarëve. Të mos jetë për interesa, e shpejt dhe e përciptë. Por të zgjidhë edhe gabimet e së shkuarës. Të jetë transparent dhe janë nevoja të demokracisë. Zgjedhjet janë të parat. Më 30 korrik u bënë ndryshimet në mënyrë të njëanshme. E treta lidhja e politikanëve me krimin. Një politikan bën më shumë korrupsion”, tha Alibeaj.
