Partia Demokratike duhet bërë nga e para, drejtimi i saj nga Sali Berisha apo Lulzim Basha nuk është zgjidhje. Kështu shprehet në studion e Report Tv, deputeti Dashamir Shehi, kryetar i LZHK, por një prej themeluesve të Partisë Demokratike, 30 vjet më parë.
Duke analizuar situatën në PD dhe përplasjet e krijuara mes Bashës dhe Berishës, pas përjashtimit të këtij të fundit nga Grupi Parlamentar, Shehi vë theksin në një ringritje të PD, por jo nën drejtimin e kreut aktual apo ish-Kryeministrit.
Për Shehin, Basha e ka provuar disa herë dhe ka dështuar në procese elektorale, ndërsa Berisha nuk mund të bëhet 3 herë nuse, edhe pse ka pas vetes pjesën koservatore.
“Zoti Berisha është një aset dhe barrë për partinë. Për dreq i ka të dyja.
Ka goxha mbështetës që vijnë mbrapa. Pjesa konservatore që ka punuar me Berishën. Këta janë vota, s’mund ta mohojë askush.
Në një konflikt të hapur me SHBA, ky padyshim që është një problem elektoral.
Nëse Berisha e merr prapë PD, bëhet me konservatore. Ideja është se nuk mund të bëhesh tre herë nuse.
Basha e ka provuar disa herë dhe ka dështuar. Çfarë është opozita, bankëprovë? Për mua të dy këto opsione nuk qëndrojnë dhe PD duhet bërë nga e para”, tha Shehi.
