Një aksident me vdekje ka ndodhur këtë të Martë në Shkodër. Një automjet ka përplasur një biçikletë dhe drejtuesi i dyrrotakut ka humbur jetën. Viktima është një 61-vjeçari me iniciale I.H…
“Rreth orës 06:30, në aksin rrugor Shkodër-Koplik, në vendin e quajtur Gruemirë Çezme, mjeti tip ‘Mercedes Vito’, me drejtues shtetasin N.G., 54 vjeç, ka aksidentuar një biçikletë që drejtohej nga shtetasi I.H., 61 vjeç, i cili si pasojë e përplasjes 61 vjeçari ka ndërruar jetë”, njoftoi policia.
Ndërkohë, shtetasi N.G. është shoqëruar në Komisariat për veprime të mëtjeshme.
Grupi hetimor ndodhet në vendngjarje dhe vijon punën për sqarimin e rrethanave të aksidentit, shtuan të njëjtat burime.
