Përgjysmimi i flotës së transportit publik ka sjllë një problematikë të shtuar për qytetarë të kryeqytetit, të cilit përdorim këtë shërbim.
Shoqata e Transportit Publik njoftoi dje se do të operojë me gjysmën e flotës së mjeteve për shkak të vështirësive ekonomike që po kalon ky shërbim dhe mosplotësimit të kërkesave të tyre nga institucionet vendore dhe qëndrore. Shoqata Kombëtare e Transportit kërkon plotësimin e disa kërkesave si: Kompensimi i tarifës të biletës njëpërdorimshme 30 lekë/biletë; Kompensimi i biletës të pajtimit mujor, abone e përgjithshme; Kompensim i biletës së pajtimit mujor abone linje; Kompensim të tarifës për biletën e studentit.
Edhe ditën e sotme, përfaqësues të shoqatës u bënë apel qeverisë qendrore dhe Bashkisë së Tiranës të marrë parasysh kërkesat e tyre, përndryshe për shkak të probleme financiare, ata do detyrohen të rekuduktojnë më tej flotën e urbanëve në qarkullim.
E gjithë kjo përkthehet në një situatë kaotike për qytetarët të cilët përdorin transportin urban, që edhe kur operonte me kapacitet të plotë sërish shfaqte problematika të theksuara. Këtë të Martë, në stacione të shuma në Tiranë, u pane gjatë mëngjesit autobusë të tejmbushur ndërsa dhjetëra qytëetratë nuk arrin të hipnin në mjete për shkak të kapaciteve të ezauruara të udhëtarëve. Fluksi i udhëtarëve ndërkohë është shtuar dhe me nisjen e vitit të ri akademik një ditë më parë.
Dhe e gjithë kjo situatë vjen në një kohë kur çdo ditë nga Ministria e Shëndetësisë njoftohet për qindra të infektuar me koronavirus.
Nga ana tjetër, shoqata e transportit ka paralajmëruar që në muajin Nëntor do të dalë me vetëm 20% të flotave, nëse nuk ka reagim nga autoritetet.
