Komisioni Shtetëror i Zgjedhjeve në Maqedoninë e Veriut ka nxjerrë rezultatet e para.
Sipas këtyre të dhënave, Komuna e Tetovës do të shkojë në balotazh dhe nga 97 për qind të votave të numëruara, kandidatja e BDI-së, Teuta Arifi ka fituar 29.7 për qind ose 10700 vota, ndërsa Bilall Kasami nga Lëvizja BESA, 27 .5 për qind ose 10150 vota.
Në Gostivar, kandiadati i Aleancës për Shqiptarët, Arben Taravari ka fituar 49.88 për qind ose 15724, ndërsa kandidati i BDI-së, Nevzat Bejta, 41.84 për qind, ose 13190 vota.
Komuna e Haracinës do të shkojë në Balotazh mes kandidatit të BDI-së, Ridvan Ibrahimi, i cili ka fituar 44.23 për qind të votave dhe kandidatës së LSDM-së, Milikije Halimi, e cila ka fituar 39.14 ose 2023 vota.
Në Dibër, kandidati i Aleancës për Shqiptarët, Bekim Pocesta ka fituar 49.69 për qind të votave ose 3998 vota, ndërsa kandidati i BDI-së, Hekuran Duka, 46.15 për qind ose 3713 vota.
Në Strugë, kandidati i BDI-së Ramiz Merko ka fituar 40.15 për qind të votave ose 10846 vota, ndërsa kandidati i Aleancës për Shqiptarët, Idri Istrefi ka fituar 33.85 për qind të votave ose 9144 vota.
Në Saraj, Blerim Bexheti i BDI-së ka marrë mbi 70 për qind të votave. Edhe në Likovë, kandidati i BDI-së, Erkan Arifi ka marrë mbi 70 për qind të votave.
Studenicani do të shkojë në balotazh, ku kandidati i PDSH-së ka marrë 38.70 për qind ose 2935 vota, ndërsa kandidati i BDI-së, 2415 vota.
Në Cair do të ketë balotazh mes BDI-së dhe Lëvizjes BESA. Në Pllasnicë, ka fituar kandidati i BDI-së që në raundin e parë.
Në Zhelinë, kandidati i BDI-së Fatmir Izari ka fituar 46.63 për qind ose 4296 vota, ndërsa kandidati i Lëvizjes BESA, Blerim Sejdiu 42.09 për qind ose 3877 vota.
Në Bogovinë, kandidati i BDI-së ka fituar 47.29 për qind ose 4942 vota, ndërsa kandidati i Ash-së, 27.54 ose 2878 vota.
(INA)
