Shefja e Epidemiologjisë në ISHP, Silva Bino, u shpreh se studentët kanë një risk të lartë në infektimin dhe përhapjen e koronavirusit, ndaj dhe duhet të vaksinohen.
Bino tha se ajo që ndodhi në ndeshjen Shqipëri-Poloni ishte një skandal i vërtetë, sikundër është e pafalshme që qytetarët qëndrojnë në lokale apo mjedise të tjera të mbyllura, pa respektuar masat anti-Covid.
“Nëse sot do të kërkohej “green pass” në lokale dhe restorante, atëherë sot do të debatonim pse kërkohet ky dokument, do kishte një debat tjetër”, tha Bino.
Shefja e epidemiologjisë në ISHP nuk ishte në gjendje të jepte një përgjigje lidhur me ato që ndodh në urbanët e Tiranës, ku ka një mbipopullim dhe nuk ka asnjë masë mbrojtjeje.
