Deputeti i Partisë Demokratike, Agron Gjekmarkaj, shprehet se Lulzim Basha do të largohet nga kreu i PD-së kur të humbë në zgjedhje të ndershme e të lira.
Në debatin e gjerë se kush duhet të drejtojë PD për ta kthyer në pushtet, gazetari i bëri një pyetje deputetit të Bashës, Agron Gjekmarkaj: Çfarë duhet të ndodhë që Basha të japë dorëheqjen?
Ndërkohë Gjekmarkaj dha një përgjigje diplomatike në Top News, duke thënë se ditën që do të humbë kur të bëhen zgjedhje të lira e të ndershme.
“Përgjigja nuk do kënaqë askënd, as mua, as ty as publikun. Kur të ketë zgjedhje të lira e të ndershme, dhe të humbë me to. Fundi i vjen kujtdo,” tha Gjekmarkaj.
