Kriza, Tabaku: OSHEE çoi paratë e shqiptarëve në parajsa fiskale

“OSHEE çoi paratë shqiptarëve në parajsa fiskale”, shprehet Nënkryetarja e PD, Jorida Tabaku, sipas të cilës kompanive offshore nuk duhet ti afrohen parave publike.

Përmes një deklarate, Tabaku tha se kompanitë me pronarë të fshehur në offshore janë kthyer në kampionet e koncesioneve dhe përfituese të parave të taksave.

“Inceneratori Tiranës gjithashtu është offshore por nuk është i vetmi.

Fatkeqësisht ligji për deklarimin e pronarëve fundorë vazhdon të vuajë problematikën e ligjeve sa për sy e faqe. Shumë kompani e kanë shumë të thjeshtë te paguajnë një gjobë dhe mos deklarojnë pronarët, kundrejt një përfitimi qindra herë më të lartë të parave publike.

I krijuar me qëllimin për të mos qenë asnjëherë një ligj eficent ai nuk përpiqet të zgjidhë pikëpyetjen e pronarit fundor por të bëjë kinse.

Prandaj kush ndëshkohet nga ligji nuk janë realisht pushtetarët që marrin fonde publike por bizneset e ndershme apo dhe OJQ-të.

LEXO EDHE  Aksident fatal në Itali, humb jetën i riu shqiptar (Emri)

Sot, asnjë qytetar nuk ka aksesin për të parë rregjistrin e famshëm të Pronarëve realë dhe aq më pak të ketë një pasqyrë të saktë se ku shkojnë paratë e taksave shqiptare”, tha deputetja demokrate.

Ajo shtoi se sot Shqipëria renditet në listën gri të pastrimit të parave dhe fondet publike shkojnë në parajsa fiskale.

“Sot jemi në një krizë energjitike dhe prej makutërisë dhe vjedhjes së buxhetit të shtetit dhe nqs duhet të merren masa fillojmë me shkëputjen e lidhjeve të zyrtarëve që marrin kontrata publike duke i fshehur në kompani offshore!

Sot Shqipëria duhet të ketë të njejtin standart si vendet anëtare, kontratat publike nuk mund të shkojnë në duar të panjohura dhe as korrupsioni të legalizohet përmes komaonive guacka! Kaq e thjeshtë”, tha ajo.