Luciano Spalletti ka përjetuar një aventurë aspak të këndshme teksa kishte shkuar në grumbullim me skuadrën e Napolit. Teknikut italian i kanë vjedhur makinën Fiat Panda, të cilën e kishte parkuar jashtë rrethimit ku skuadra ishte duke u stërvitur.
Pas mbylljes së seancës stërvitore, trajneri 62-vjeçar kuptoi se makina e tij ishte vjedhur dhe telefonoi menjëherë policinë, e cila nisi hetimet për rastin.
Spalletti është duke bërë një punë të shkëlqyer me Napolin këtë sezon. Në 7 javët e para të kampionatit skuadra ka koleksionuar vetëm fitore, duke bërë tifozët të ëndërrojnë për rikthimin te trofeu, por gjithsesi, trajneri nuk i ka shpëtuar grabitësve.
