Zbulohen 4 kandidatët potencial për pankinën e Kosovës

Kosova është vënë dëshpërimisht në ndjekje për të zëvendësuar teknikun Bernard Shaland që u shkarkua dy ditë më parë nga presidenti i FFK-së Agim Ademi.

Gazeta zvicerane ‘’Blick’’ shkruan se pasuesi i Shaland mund të jetë një tjetër zviceran, Aleks Frei.

42-vjeçari është legjendë e futbollist zviceran, veçanërisht e Bazelit ndërsa prej vitit 2013 punon në rolin e trajnerit, dhe më herët si drejtor sportiv.

LEXO EDHE  VIDEO/ Bayern nuk mëshiron, shënon golin e tretë përballë Barcelonës

Aktualisht Frei drejton skuadrën e Vilit në ligën e dytë zvicerane, por një ofertë e majme e Kosovës mund t’i ndryshonte destinacionin. Emra të tjerë në listë për të drejtuar Kosovën janë Martin Adermat, Xhon Gregori dhe Primoz Gliha.

Sipas ‘Blick’, presidenti Ademi ka udhëtuar sot drejt Zvicrës vetëm e vetëm për tu takuar nga afër me kandidatët potencial për stolin e dardanëve.