Topalli: Në 2017-ën, Berisha ishte në anën e Bashës

Ish-nënkryetarja e PD, Jozefina Topalli, ka treguar në një intervistë për Ora News se pse vendosi që betejën e saj politike ta zhvillonte jashtë PD-së dhe jo brenda saj.

Topalli tha se nuk kishte asnjë hapësirë dhe Sali Berisha ishte në anën e Lulzim Bashës në atë periudhë.

“Mua më nxorën nga forumet dhe forumet nuk mblidheshin dhe nuk kisha më ku të flisja.Kam bërë çdo gjë që mund të bënte një njeri që ka qenë nënkryetare e PD për rreth 20 vite”, tha Topalli.

LEXO EDHE  Haradinaj reagon pas aksionit të SHBA me shpalljen non-grata të dy vëllezërve në veri të Kosovës

Ajo u shpreh se largimi i saj dhe bashkëpunëtorëve të tjerë të Berishës u bë me një vendim personal të Bashës në 12 të natës.

“Nuk jam larguar por na kanë larguar në mënyrë të paligjshme me një vendim personal në 12 të natës. Berishës i kam thënë se Lulzim Basha po rrëzonte çdo parim, çdo përfaqësim brenda forcës tonë politike”, sqaroi Topalli.