Një person është arrestuar në Vlorë, pasi në banesë i është gjetur rreth 5 kg kanabis.
“Specialistët për Hetimin e Narkotikëve në DVP Vlorë, bazuar në informacionet e marra në rrugë operative për një shtetas që posedonte lëndë narkotike në banesë, kanë organizuar punën, duke ushtruar kontroll në banesën e shtetasit T. M., në fshatin Bashaj, Vlorë.
Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar 5.4 kg lëndë narkotike të dyshuar cannabis sativa. Në vijim të veprimeve, specialistët e Seksionit për Hetimin e Narkotikëve në DVP Vlorë arrestuan në flagrancë të shtetasit T. M., 25 vjeç, i dënuar më parë për veprën penale ‘Drejtimi i automjeteve në mënyrë të parregullt’, banues në fshatin Bashaj, Vlorë”, njoftoi policia.
Materialet iu referuan Prokurorisë pranë Gjykatës së Shkallës së Parë Vlorë, për veprën penale “Prodhimi dhe Shitja e Lëndëve Narkotike”, shtuan të njëjtat burime.
