Ish-Kryeministri Sali Berisha i ka cilësuar si çmendurira deklaratat e kreut demokrat Lulzim Basha, i cili ka deklaruar se nuk do të lejojë mbledhje të Kuvendit Kombëtar anti-amerikan të Partisë Demokratike.
Nga Korça, ku po zhvillon foltoren e rradhës, Berisha tha se Basha sot ka frikë të vijë të takohet me demokratët dhe anëtarët e PD dhe ky është një gabim që na ka kushtuar ne.
“Ne nuk mund të largojmë Edi Ramën me votat që ai kontrollon. Ramën do e largojmë me protestat më të fuqishme që ka njohur ky vend”, tha Berisha.
Duke e cilësuar, Bashën një ish-Kryetar, Berisha sqaroi se ai i rrëmbeu kompetencat forumeve të Partisë Demokratike, duke mos i pyetur për asgjë, dhe çdo vendim e merr vetë në zyrën e tij.
“Ne do e kthejmë PD në shtëpinë e lirisë, do të lejojmë fraksionet, duke zbatuar të gjitha rregullat”, tha Berisha.
