VIDEO/ Sherr për një penallti dhe në fund e humbur, skena amatorizmi te Vllaznia

Vllaznia fitoi ditën e djeshme me rezultatin 4-0 ndaj Labërisë në Kupën e Shqipërisë. Shkodranët përmbysën rezultatin 2-1 të ndeshjes së parë dhe arritën të kalonin në turin e dytë të Kupës. Jo çdo gjë ka shkuar në mënyrën më të mirë për Vllazninë pasi në fundin e ndeshjes është krijuar një skenë amatorizmi që mund të ndodhë vetëm te futbolli i moshave.

Vendasit fitojnë një penallti në minutën e 94-të me Heriç, ndërsa për të gjuajtur këtë penallti ka ndodhur një “sherr” mes dy lojtarëve të Vllanzisë. Fillimisht ishte talenti Çoba që merr topin për të gjuajtur, por pranë tij shkon edhe mesfushori Uheid Hoxha e për disa sekonda ka patur një debat të vogël se kush duhet ta gjuante këtë 11-m.

LEXO EDHE  Kategoria e Dytë/ Mbyllet java e 5-të, njihuni me rezultatet dhe renditjen

Nga stoli, trajneri Brdariç bëri me shenjë që këtë penallti ta gjuante Hoxha, ndërsa u desh edhe ndërhyrja e kapitenit Gurishta që situata të sqarohej. Në fund, mesfushori Hoxha nuk arriti të shënonte gol, por skenat e krijuara nuk janë aspak të hijshme për një skuadër profesioniste.