Sheikët i prishin planet Milanit, gati oferta për yllin e kuqezinjve

Foto: Marca

Pronarët e ri të Newcastle kanë prishur ekuilibrat në futboll duke qenë më se të vendosur të investojnë shuma të çmendura për të afruar sa më shumë yje në skuadër.

Mes emrave të përfolur për merkaton e Newcastle është dhe i mbrojtësit të Milanit, Fikai Tomori. Anglezi ka fituar një vend titullari duke u bërë i pazëvendësueshëm në repartin defensiv të kuqezinjve.

Megjithatë, arsyeja pse Newcastle po mendon të investojë te Tomori është Frank Lampard. Ish-mesfushori i Chelseat është emri më i përfolur për stolin e skuadrës angleze, ndërsa Tomori është dëshira e parë e Lampard si trajner.

LEXO EDHE  LIVE/ Gnabry-Lewandowski ndëshkojnë Hoffenheim, Bayern në avantazh të dyfishtë

43-vjeçari e njeh mjaft mirë Tomorin pasi e ka stërvitur më parë te Chelsea dhe skuadra angleze e Derbit, por me largimin e tij nga Stamford Bridge u largua me mbrojtësi drejt Milanit.