Aktivistja Evi Kokalari, në një intervistë në emisionin Çim Peka Live në Syri Tv, foli për familjen e saj dhe lidhjet me politikën.
Kokalari thekson se ka lidhje fisnore me disidenten Musine Kokalarin, duke shtuar se Geri Kokalari, që ke po ashtu në fis, nuk ka lidhje me CIA-n, siç pretendon.
“Geri Kokalari nuk ka lidhje me CIA-n. CIA nuk ka listë me komunistët shqiptarë. Me Musine Kokalarin kam lidhje familjare. Lufta ime është për opozitën, jo ekskluzivisht për Sali Berishën. Kokalarët që jemi në Amerikë e njohim mirë Gerin. Ai ka përdorur fjalë vulgare ndaj Berishës. Geri më ka kërcënuar me e-maile.
Ne si familje jemi persekutuar në kohën e monizmit, nga fisi ynë kanë vdekur në burg 20 vetë. Kemi ikur shumë në Amerikë dhe tanimë jemi zgjeruar shumë si fis. Lidhjet e mia me republikanët në Amerikë janë të shumta”, u shpreh Evi Kokalari.
