Tre të arrestuar dhe një tjetër i shpallur në kërkim është bilanci i aksionit policor pas plagosjes së dyfishtë pasditen e djeshme në Tiranë. Autorët e plagosjes, të dy me precedent penalë, janë Fatjon Palushi dhe Daniel Manushi.
Personi në foto është një prej autorëve të plagosjes, Daniel Manushit. Ai njihet si tip problematik, rezulton me nënshtetësi gjermane pasi ka lindur në këtë shtet dhe herë pas here udhëtonte drejt këtij vendi.
27-vjeçari është me precedent penal, pasi 4 vite më parë qëlloi me armë zjarri duke plagosur një efektiv policie, të komisariatit nr. 1, i cili në momentin që u godit ishte jashtë shërbimit. Daniel Manushi, më 28 nëntor 2017, qëlloi dhe plagosi agjentin e krimeve Ermal Bregu.
Arsyeja? Agjenti Bregu asokohe dëshmoi se ngjarja kishte ndodhur për shkak të një konflikti banal mes tyre. Sipas tij, Manushi i kishte thënë “pse më sheh” dhe nga aty kishte nisur debati që përfundoi me plagosje.
DENONCO