Cristiano Ronaldo njihet si entuziast i madh i makinave dhe makina e fundit që ka blerë është diçka e jashtëzakonshme.
Sulmuesi i Manchester United ka blerë një Bugatti Centodieci. Fabrika e Bugattit ka prodhur vetëm 10 makina të tilla dhe llogariten si unike dhe super luksoze.
Çmimi është pak më shumë se 10 milionë euro dhe është frymëzuar nga modeli historik Bugatti.
Makina është prodhuar në Francë, në Malsheim dhe është e pajisur me një motor prej 1500 kuaj fuqi e aftë për të kaluar nga 0 në 100 km/h për 2.4 sekonda, kurse shpejtësia maksimale është 380 km / orë. Dorëzimi i makinës tek Ronaldo është planifikuar për vitin 2022.
