Paralajmërimi i sizmologut grek: Kujdes dy ditët e ardhshme, rrezik për tërmet

Metereologu grek, Efthymios Lekkas,paralajmëroi pas tërmetit të fuqishëm të magnitudës 6.3 në ishullin e Kretës se në dy ditët e ardhshme ekziston rreziku i përsëritjes së lëkundjeve të forta të tokës, edhe pse shpresat janë që kjo të mos ndodhë.

Nga episodi i një dite më parë nuk pati të lënduar, por një kishë e vogël u shemb në Xerokambos Sitias, pati dyqane të dëmtuara në Xirokambos dhe shembje muresh e rënie gurësh u raportuan në disa zona, ndërsa një sërë shkollash në lindje të Kretës u evakuan. Lekkas tha se goditja tjetër mund të jetë e njëjtës magnitudë, ose pak më e lehtë.

LEXO EDHE  Kosova shpalli non-grata dy shtetas rusë, vjen reagimi i Ambasadës së Rusisë në Serbi

Profesori shpjegoi se tërmeti i fundit ishte pranë sipërfaqes dhe u ndje shumë në Kretë, në ishujt e Dodekadezit, në Qipro e deri në Kajro. Sipas tij megjithatë, ai ishte në linjë tjetër me tërmetin e shtatorit, e kjo i bën dy ngjarje krejt të ndryshme. Tërmeti i një muaji më parë ishte i fuqisë 5.8. Ai goditi më fort qytetin e Iraklionit në Kretë duke lënë të vdekur një person, i cili ka qenë duke punuar në një kishë, e cila është shembur.

/Top Channel/