Një ngjarje e pazakontë raportohet të ketë ndodhur në avionin e linjës “United Airlines”, ku një pasagjer i cili po fluturonte nga Anglia për në Los Anxhelos, refuzoi të vendoste maskën, dhe ka kërcënuar se do të hidhet nga avioni.
Sipas The Independent, incidenti u filmua nga një pasagjer tjetër i pranishëm në avion dhe nga pamjet shihet se i riu i bërtet stafit para se aeroplani të bëhet gati për t’u nisur.
I riu, emri i të cilit nuk është bërë publik, dëgjohet duke bërtitur : “Unë do të gjej emrin tuaj, datën e lindjes dhe adresën. Unë do ta di numrin tuaj të sigurimeve shoqërore para se të zbres nga ky fluturim!“.Gjërat u përkeqësuan për personin që filmoi incidentin, pasi telefonin ia hoqi nga dora një pasagjer tjetër, pasi kuptoi se ai po filmonte ngjarjen. Incidenti u zgjidh kur i riu dhe kushëriri i tij zbritën nga avioni.
Burimi: UNILAD
