Ish-Kryeministri Salli Berisha zhvilloi sot takimin e 8-të me anëtarët e Partisë Demokratike, ndërsa Foltorja u ndal në Kukës. Për rreth dy orë, Berisha hodhi akuza të forta ndaj Kryeministrit Edi Rama, por edhe kreut demokrat Lulzim Basha, që e konsideroi pengun e Ramës.
Berisha u shpreh se Basha është i pashpresë, ndërsa kërkoi bashkimin e njerëzve të lirë, për të rrëzuar regjimin e Edi Ramës.
Lideri historik i PD, u prit me ovacione dhe entuziazëm nga qytetarët, të cilët mbushën Pallatin e Kulturës, por një numër gjithashtu i konsiderueshëm ishin jashtë në sheshin qendror të qytetit verilindor.
Video e mëposhtme tregon momentet kur anëtarët e PD shoqërojnë Berishën deri te makina, ndërsa ata brohorasin “Berisha, Berisha”.
