Shqipëri-Poloni/ Mbyllet pjesa e parë, rezultati dhe statistikat

Është mbyllur në barazim pa gola fraksioni i parë i lojës mes Shqipërisë dhe Polonisë e vlefshme për kualifikueset e Botërorit “Katar 2022”.

Në pjesën e parë u zhvillua një lojë e fortë, me pak raste, pasi të dy ekipet më tepër u munduan të mos pësojnë.

Ndeshja nisi me polakët më insistues duke qenë pranë zonës kuqezi, ndërsa një rast i minutës së 4-t bëri që polakët të kërkojnë ndërhyrjen e VAR, por gjyqtari bën shenjë që loja të vazhdojë.

Në minutën e 9-të Shqipëria provon të reagojë me një rast të mirë në kundërsulm. Ramadani vjedh topin në gjysmëfushën kundërshtare dhe e çon te Manaj. Ky i fundit nuk pason te Uzuni por tenton vetë. Topi devijohet dhe shkon te Uzuni por Kryçoviak kthehet dhe largon rrezikun.

LEXO EDHE  Kritikat e Berishës për vetingun, përgjigjet Basha

Më pas është Ramadani i cili gjuan nga jashtë zonës por fluturon sferën mbi traversë. Dy minuta më vonë Roshi shpërthen në të djathtën, por topi i tij në qendër ndalet nga mbrojtja.

Miqtë përgjigjen në minutën e 29-të me sulmuesin Buksa i cili i ikën Ismajlit nga e majta dhe nis një harkim në zonë për Leëandoëskin. Ky i fundit gjuan direkt por bllokohet nga Kumbulla.

Në minutat e fundit të pjesës, nervozohet sfida tesak arbitri akordon kartonë për të dy skuadrat. I pari që ndëshkohet me të verdhë është Ismajli në minutën  34-t, pas një faulli ndaj Lewandowskit.

Nuk vonon shumë dhe gjytari ndëshkon edhe miqtë ku Buksa shkakotn një faull në luftë në ajër kundër Kumbullës.