Partizani do të luajë nesër sfidën e kthimit në Kupën e Shqipërisë ndaj Tërbunit e vlefshme për turin e parë. Takimi i luajtur në Pukë u mbyll me fitoren 0-3 për skuadrën e drejtuar nga Ilir Daja dhe kualifikimi duket një çështje e mbyllur për të kuqtë.
Përmes një postimi në faqen zyrtare, klubi ka zbuluar se kjo ndeshje do të luhet në kompleksin “Football Republic”, fusha ku të kuqtë bëjnë stërvitje dhe takimi do të nisë në orën 13:30.
Një vendim surprizë nga Partizani që zgjedh një fushë stërvitore dhe jo një stadium me kushtet e duhura. Duke parë që është vetëm turi i parë, FSHF-ja i lejon ekipet që të luajnë në të tilla fusha.
