Emri/ Kok*ina në kontenierin e bananeve, policia shoqëron administratorin e kompanisë

Policia e Shtetit ka shoqëruar administratorin e ri të kompanisë “Alba Exotic Fruit”, Ermal Arapi, pasi në portin e Durrësit u kap sërish kokainë.

Arapi do të merret në pyetje nga grupi hetimor, ndërsa më parë policia ka arrestuar menaxherin Barjon Gumeni, i cili ndodhet në paraburgim, ndërsa administratori i firmës Eduart Dauti, është në kërkim.

Policia njoftoi sot se kishte zbuluar 10 kilogramë e 185 gramë lëndë narkotike, e dyshuar kokainë, në dy kontenierët me banane që vinin nga Ekuadori.

Kjo është hera e gjashtë që kapet kokainë në kontejnerët e kësaj kompanie. Lënda narkotike, ashtu si edhe në rastet e mëparshme ishte vendosur te kapakët e motorëve frigoriferik.

Njoftimi i policisë:

Port, Durrës/ Vijon operacioni policor i koduar “Rada”, për goditjen e veprimtarisë kriminale në fushën e trafikimit të lëndëve narkotike.

Sekuestrohet një tjetër sasi kokaine në një nga kontenierët e firmës “Alba Exotic Fruit”.

Në kuadër të operacionit “Rada”, të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritetet doganore të Portit është gjetur dhe sekuestruar lëndë narkotike kokainë, në një nga kontenierët për llogari të firmës “Alba Exotic Fruit”, tjetër sasi kokaine është sekuestruar ditën e sotme.

LEXO EDHE  Shpërthen në flakë magazina me jonxhë në Vlorë

Në vijim të operacionit “Rada”, mesditën e sotme, nga Task Forca permanente që vepron në Portin e Durrësit, është ushtruar kontroll i imtësishëm në dy nga kontenierët e ngarkuar me banane, që kishin ardhur nga Ekuadori, për llogari të kësaj firme. Si rezultat i kontrollit të imtësishëm, në pjesën fundore, te kapakët e motorëve frigoriferikë të dy kontenierëve u gjet dhe u sekuestrua një sasi prej 10 kilogramë e 185 gramë lëndë narkotike e dyshuar kokainë.

Task Forca permanente që operon në Portin e Durrësit dhe Drejtoria Hetimore në Departamentin e Policisë Kriminale në Policinë e Shtetit vijojnë veprimet hetimore, nën drejtimin e SPAK-ut.