Berisha: Ja 3 arsyet pse më shpallën “non grata” në SHBA

Ish-Kryeministri Sali Berisha u shpreh sot nga Kukësi se foltorja nuk synon asgjë kundër partnerëve tanë, por mbrojtjen e demokracisë, pluralizmit dhe sovranitetit të Partisë Demokratike.

“Kam takuar 5 presidentë dhe sekretarë shteti, përfshi edhe Joe Biden, kur ishte nënpresident, kam vendosur marrëdhëniet më të shkëlqyera me SHBA, kur isha Kryetar i PD dhe Kryeministër”, tha Berisha.

Duke iu rikthyer çështjes së “non grata”, Berisha tha se kurrë më parë nuk është shpallur më parë “non grata” një njeri, i cili kishte 8 vite që ishte larguar nga posti qeveritar, që nuk kishte asnjë proces të hapur në drejtësi, dhe 3 javë pasi forca e tij politike humbi zgjedhjet.

“Nuk mund të pranoja kurrë kërkesën për të mos hyrë në Parlament. Po pse ndodhi kjo kërkesë? Së pari nuk pranova ndryshimin e kufinjve të Kosovës, pasi kjo do të ishte zhbërja e Republikës së Kosovës. Nuk kam pranuar mini-schengenin e Novisad, pasi i kundërvihej procesit të Berlinit dhe e shndërronte Shqipërinë në vasale të Beogradit. Kundërshtova projektin e Soros për reformën në drejtësi, pasi sot drejtësinë e kontrollon tërësisht Partia Socialiste dhe vendimet i merr Edi Rama dhe Sekretari i Përgjithshëm i mafies në Shqipëri, Engjëll Agaçi”, tha Berisha.

LEXO EDHE  120 mijë euro drogë në shtëpi, arrestohet shqiptari në Itali

Në vijim, Berisha tha se në vitin e parë të tij, SPAK ka dërguar për gjykim 64 raste për korrupsion, ndërsa Task Force në 2010 dërgoi 310 raste.

“Unë s´mund të mbroj interesin e Edi Ramës. Kjo reformë e vuri drejtësinë nën kontrollin e narkoshtetit shqiptar”, tha Berisha.