Debat i ashpër në studion e Open mes ish kreut të KESH Gjergj Bojaxhi dhe drejtorit aktual të OSHEE, Adrian Çela. Shkak janë bërë deklaratat e Bojaxhiut i cili i kujtoi Çelës se në krye të kompanisë që menaxhon energjinë elektrike është kunati i Vangjush Dakos dhe se problemi i energjisë lidhet me keqmenaxhimin.
Gjergj Bojaxhi deklaroi se problemi i energjisë tek ne është thjeshtë tek menaxhimi duke e lidhur kete me humbjet ne rrjet. Ai tha se vendi yne ka 22 % humbje ne rrjet nga 16 qe jane te lejueshme, ndërsa solli dhe një krahasim me vendet e rajonit që sipas tij janë më të ulta.
Çela: Mund të flasë kushdo, por jo ata që e sollën këtë kompani në këtë derexhe. Zotëria duhet të thotë të vërtetat dhe se në kohën e tij humbjet kanë qenë 37%.
Bojaxhiu: Më vjen mirë që zotëria pranon se kunati i Vangjush Dakos menaxhon energjinë elektrike.
E dyta koncensioni i Petroliferës është dhënë në kohën e Fatos Nanos. Nuk kam qenë unë dhe kushdo i lidhur me mua aksioner në Petrolifera. Kur kam qenë unë drejtor i KESH në 2007 Tiranë rrinte 5 orë pa drita dhe i kam kthyer energjinë Tiranës deri kur u largova në 2009.
Çela ka një problem të madh. Unë kam dhjetë vjet që jam person i lirë. Zotëria është përfaqësues i qeverisë dhe del e akuzon një qytetar të lirë. Nëse kam bërë ndonjë gjë nga ato që thotë zotëria, drejtësia është aty.
Unë thashë fakte dhe ju nuk kundërshtuat.
