Ish-Sekretari për Çështjet Ligjore në Partinë Demokratike, Çlirim Gjata, ka sulmuar kreun demokrat Lulzim Basha mbrëmjen e sotme për vendimin e tij për të përjashtuar nga grupi parlamentar ish-Kryeministrin Sali Berisha.
Gjata deklaroi me ironi në Opinion se Basha ka fituar njësoj si Pirro i Epirit, i cili fitoi betejën por humbi ushtrinë.
Kjo pasi për Çlirim Gjatën, Lulzim Basha ka humbur partinë e tij me vendimin për Berishën, ndonëse ka arritur të fitojë SHBA-të.
Pjesë nga biseda:
Fevziu: Nëse pala tjetër nuk ta njeh rezultatin, a do shkosh në gjykatë? Si do zgjidhet?
Gjata: Ta kishte hedhur me votim dhe gjendjej zgjidhja. Nuk mundet partia të sakrifikojë njerëzit . Ç’kuptim ka partia që thotë meqënese ka interes me SHBA po sakrifikoj Berishën. Kush të rri në parti në këto kushte? Nuk zgjidhet në gjyakatë, sidomos në ato shqiptaret. Gjykata zgjidh çështjet individuale. Gjykata mund të ndërhyjë në pjesën administrative, por asgjë nuk zgjidh . Ka një ditë dhe një datë përtej vendimit të gjykatës që është data zgjedhjeve. Ai mund të fitojë mbështetjen e Amerikës, por do të humbasë partinë. I rroftë fitorja si fitorja e Pirros, ngeli pa ushtri, do shkojë vetëm. Nuk është cështja e gjykatës.
