Shqipëria surprizon legjendën e futbollit polak: Kurrë nuk i prisja kaq të fortë!

Photo: MTI/Illyés

Fitorja e dyfishtë e Shqipërisë ndaj Hungarisë duket se ka ndryshuar këndvështrimin rreth përfaqësueses kuqezi dhe kjo kuptohet më së miri nga fjalët e një legjende të futbollit botëror. Grzgorz Lato, ish-sulmuesi i njohur polak, i cili në Botërorin 1974 u shpall golashënuesi më i mirë me 7 gola, e ka cilësuar një surprizë atë që ka bërë Shqipëria në këto eliminatore.

Duke folur pas fitores të Polonisë ndaj San Marinos, ai bëri të qartë se shifrat 5-0 nuk nënkuptonin asgjë dhe se ekipi duhej të kishte shumë kujdes këtë të martë ndaj skuadrës së Rejas në Tiranë.

LEXO EDHE  “Idiot”, ndizet sërish dueli Verstappen-Hamilton

“Ne në të vërtetë fituam 2-0 me San Marinon, pasi me kundërshtarë të tillë unë filloj të numëroj golat vetëm pas të tretit. Ne bëmë detyrën tonë, por ajo që është më e keqja, Shqipëria fitoi në Hungari. Kjo do të thotë se ne nuk përfituam asgjë.

Të martën do të jetë një rrugëtim i vështirë. Nëse do të humbasim, do të jetë një zhgënjim. Do të kemi 4 pikë diferencë dhe Shqipëria luan ndaj Andorrës ndeshjen e fundit në shtëpi, ndaj nuk ka vend për ndonjë moment dobësie”, paralajmëroi legjenda e futbollit polak.